Klase
honetan Euskal dantzetan zentratuko gara.
Haur
batek, gehienetan dantzarekin duen lehenengo harremana eskolatik datorkio, Haur
Hezkuntzan hain zuzen ere. Ikastoletan, neurri batean edo bestean, dantzarekin
erlazionatutako hainbat jolas, dantza eta abesti erabiltzen dituzte. Bere
irakasleek ilusioa eta motibazioa transmititu egiten diete eta haurrek zerbait
dibertigarria bezala hartzen dute.
Adin
hauetan, haurrek, eskola edo ikastolara joatez gain, eskolaz kanpoko
jardueraren baten ere hartzen dute parte sarritan. Horren arrazoietako bat;
beste haur batzuekin solasean aritzea, ondo pasatzea edo gurasoek, euren
seme-alabek "hobby" bat topatzeko nahia izaten da.
Jarduera
horietako bat, euskal dantzak dira. Haur asko, dantza talde baten aritzen dira,
baina bestela ere, euskal dantzak, eskolan praktikatzen diren jarduerak dira,
bai musika ala psikomotrizitate saioetan.
Dantza
hauen bitartez, haurrek euskal kulturaren inguruan euren ezagutzak garatu
ditzakete eta baita gure herria osatzen duten lurralde bakoitzaren inguruan
ere, bertako ohiturak zein diren ikasiz. Izan ere, lurralde bakoitzean modu
desberdinean dantzatzen da edo beste jantzi batzuk erabiltzen dira eta horrek
egiten du benetan polita saio hau.
Gainera,
Euskal Herrian zehar dantza jaialdiak egiten dira, eta txoko guztietako taldeak
batzen dira euren dantza, jantzi eta ohiturak erakutsiz.
Bestalde,
haurrei dagokienean, eta euskal kultura hobeto ezagutzeaz aparte, antolatu
daitekeen edozein koreografia bezala, oso positiboa da euren koordinazioa
lantzeko. Izan ere, zenbait pausu ikasi behar dituzte eta musika jarraituz, une
egokia zein den jakin behar dute.
Hortaz,
saio entretenigarri bat pasatzeaz gain, aberasgarria ere bada euren
heziketarako, honek ere gorputzeko hainbat faktoretan baitu eragina.
Jarraian,
gorputz heziketako saio batean irakasleak horrelako dantzak nola lantzen dituen
ikusiko dugu:
No hay comentarios:
Publicar un comentario